A acción formativa Xerocultor-a especializado-a en actividades rehabilitadoras, cunha duración total de 200 horas, desenvolverase dende o 20 de xaneiro ata o 16 de marzo e un total de 15 persoas desempregadas foron seleccionadas para participar na mesma.

O itinerario contempla un módulo de formación específica (60 horas), un módulo de formación transversal (40 horas) e un módulo de practica profesional titorizada en empresas (100 horas), ademáis, os módulos compleméntanse con titorías individualizadas e orientación durante todo o itinerario.

Os obxectivos xerais deste itinerario son:

• Dotar aos participantes dos coñecementos e técnicas necesarias nas distintas disciplinas rehabilitadoras, para desempeñar con profesionalidade as tareas asistenciais como xerocultores en institucións tanto públicas como privadas.

• Adquirir as competencias requeridas para a adecuada realización das tareas asistenciais, atendendo a aspectos físicos, psicolóxicos e sociais implicados na atención ao paciente xeriátrico

• Aplicar as técnicas rehabiliatadoras según as necesidades bio-psico-sociais dos anciáns nos diferentes ámbitos de atención.

O proxecto do Concello de Ferrol “Ferrol punto de emprego” está subvencionado polo FSE.