Quérolles dar a benvida a todas as persoas que visiten esta páxina web oficial do Concello de Ferrol. Unha ferramenta máis para achegarmos a Administración aos cidadáns e unha síntese da vontade de transparencia na xestión municipal.

Esta páxina debe ser un medio útil de comunicación entre o Concello e a veciñanza, ademais dunha fiestra aberta ao exterior para nos dar a coñecer máis alá do noso municipio. A actualidade local, os programas e servizos que dependen dos departamentos municipais, a normativa, os procesos de contratación ou a descarga de impresos son algunhas das múltiples opcións ás que se pode acceder a través desta páxina. Trátase, pois, dun amplo itinerario de enlaces a través dos cales descubrirán como é o Concello de Ferrol por dentro e poderán coñecer a ampla oferta cultural, turística e de servizos da nosa Administración local.

En definitiva, este portal debe entenderse como unha sincera apertura da Casa do Concello a todos. Unha aperta!

José Manuel Rey Varela
Alcalde de Ferrol