É un sistema de intercambio no que as persoas participan ofrecendo o seu tempo nun determinado servizo e demandando o tempo doutras persoas para realizar actividades nas que estean interesadas, todo isto de xeito gratuíto. A unidade de cambio é a hora de tempo.

Por exemplo: “eu ofrézome a ensinar cociña caseira e gustaríame recibir unhas clases de deseño de páxinas web doutra persoa socia”

Búscanse...

Persoas que queiran compartir tempo con outras membros do Banco de Tempo onde o importante é dar e recibir.

Persoas con gañas de formar parte dunha rede de axuda mutua na comunidade.

Persoas activas con ganas de cambiar as cousas no eido máis próximo, na nosa cidade.

Persoas doadoras- receptoras de tempo.

Todas as persoas podemos participar no Banco de Tempo, porque podemos ofrecer infinidade de servizos, non precisas ter unha destreza específica, os coñecementos da vida diaria poden ser moi valorados por outras persoas