Concello de Ferrol Arquivo Municipal Praza de Armas, s/n. 2º 15402 Ferrol	Horario de atención ó público De luns a venres de 9:00 e 14:00 h.	Tel.: 981.944.185 Fax: 981.945.173 arquivo@ferrol.es

• Fondos
  documentais
• Servizos
  do arquivo
• Procedemento
  de acceso
• Regulamento
  do arquivo
• Clasificación
  de fondos
• Acceso
  á base de datos
• Ligazóns

Fondos

O Arquivo Municipal está constituído polo conxunto de documentos producidos e recibidos polo Concello de Ferrol ó longo do tempo, e que se conservan e organizan para poñelos ó servicio da propia Administración, dos cidadáns e da investigación. Está situado na Casa do Concello e o seu fondo documental abarca desde o século XVII ata a actualidade. Contén ademas dous pergameos medievais.

A extensión que ocupan actualmente os seus fondos é de preto de 2000 metros lineais de andeis, cantidade que se ve incrementada cada ano de forma notoria pola incorporación de novos documentos.

Esta documentación está instalada en catro depósitos, ubicados no edificio do Concello. Estes depósitos acollen 13000 unidades de instalación e 5600 libros.

Os documentos atópanse clasificados en catro grandes seccións: goberno, Administración, Servicios e Facenda. entre as series documentais que se conservan podemos destacar polo seu volume e polo seu interese para a cidadanía as seguintes:

• Actas de Pleno desde 1709-1970
• Expedientes de obras desde 1840-2000
• Padróns e censos de habitantes desde 1739-1991
• Expedientes de apertura de industrias desde 1964-2000
• Expedientes de eleccións desde 1810-1995
• Expedientes de quintas desde 1770-1986
• Expedientes de nobreza e limpeza de sangue desde 1713-1804
• Orzamentos municipais desde 1821-1985
• Rexistro Civil 1841-1870

Servizos

• Información oral e escrita
• Préstamo ás oficinas do Concello
• Consulta en sala, con capacidade para 10 persoas
• Asesoramento sobre a historia e a evolución do Concello

Procedemento de acceso

O acceso ós documentos que se conservan no arquivo é un servicio gratuíto e libre, sen embargo existen documentos de consulta reservada para os titulares e os cidadáns que acrediten un interese lexítimo e directo. No Regulamento do Arquivo Municipal especifícase qué documentos están clasificados de acceso libre ou de acceso restrinxido.

Para acceder ós documentos é necesario presentar unha solicitude no Rexistro Xeral onde se expoñerá o motivo da consulta e se describirá o documento ou a información que se precisa.

Regulamento do arquivo

• Regulamento do arquivo

Cadro de clasificación de fondos do arquivo

• Fondos do arquivo

Acceso á base de datos do arquivo

Dirección: http://albala.cmg.xunta.es

Modo de acceso: Unha vez dentro da páxina, deberá picar en Mostrar archivos, onde aparecerá, entre outros, o Arquivo Municipal de Ferrol, preme no devandito Arquivo e despois pique no botón superior que pon Cadro de Clasificación de Fondos.

Ligazóns

• Portal de arquivos de Galicia
• Arquivo do Reino de Galicia
• Arquivo da Emigración
• Arquivos estatais en Red
• Censo guía de arquivos de España e Iberoamérica
• Arquivos militares en Galicia